قازاقستان رەسپۋبليكاسى ۇكىمەتىنىڭ قاۋلىسى  №1449

2014 جىلعى 31 جەلتوقسان,  استانا, ۇكىمەت ءۇيى بوگەتتەردىڭ قاۋىپسىزدىگى سالاسىنداعى جۇمىستاردى جۇرگىزۋ قۇقىعىنا اتتەستالاتىن ۇيىمدارعا قويىلاتىن تالاپتاردى بەكىتۋ تۋرالى 2003 جىلعى 9 شىلدەدەگى قازاقستان رەسپۋبليكاسى سۋ كودەكسىنىڭ 36-بابىنىڭ 19-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان بوگەتتەردىڭ قاۋىپسىزدىگى سالاسىنداعى جۇمىستاردى جۇرگىزۋ قۇقىعىنا اتتەستاتتالاتىن ۇيىمدارعا قويىلاتىن تالاپتار بەكىتىلسىن. 2. وسى قاۋلى 2015 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 31 جەلتوقسانداعى № 1449 قاۋلىسىمەن بەكىتىلگەن بوگەتتەردىڭ قاۋىپسىزدىگى سالاسىنداعى جۇمىستاردى جۇرگىزۋ قۇقىعىنا اتتەستاتتالاتىن ۇيىمدارعا قويىلاتىن تالاپتار 1. پايدالانۋعا بەرىلگەن كەمىندە I كلاستى ەكى بوگەت, (نەمەسە) II كلاستى بەس بوگەت, (نەمەسە) III كلاستى ون بوگەت قۇرىلىسىنىڭ جوبالارىن ازىرلەۋ, سونداي-اق, گيدروتەحنيكالىق قۇرىلىستاردى جوبالاۋ, سالۋ, جوندەۋ جانە رەكونسترۋكتسيالاۋ, پايدالانۋ جۇمىستارىندا تاجىريبەنىڭ بولۋى. 2. شتاتتا تەحنيكالىق عىلىمدار (گيدروتەحنيكالىق قۇرىلىستاردى سالۋ جانە پايدالانۋ, گيدروگەولوگيا, گەودەزيا, گەولوگيا, گيدرولوگيا, گيدرومەليوراتسيا), اۋىلشارۋاشىلىق عىلىمدارى (سۋ رەسۋرستارى جانە سۋدى پايدالانۋ), جاراتىلىستانۋ عىلىمدارى (گيدرولوگيا) سالاسىندا جوعارعى كاسىبي ءبىلىمى بار, سونداي-اق گيدروتەحنيكالىق قۇرىلىستاردى سالۋ, جوندەۋ جانە رەكونسترۋكتسيالاۋ, پايدالانۋ سالاسىنداعى اتتەستاتتارى, سەرتيفيكاتتارى, 3 جىلدان كەم ەمەس ەڭبەك ءوتىلى بار سالاارالىق مامانداردىڭ بولۋى. 3. بوگەتتەردى جوبالاۋ, سالۋ جانە پايدالانۋ سالاسىنداعى نورماتيۆتىك- تەحنيكالىق قۇجاتتامانىڭ (قر قنجە 3.04-01-2008 «گيدروتەحنيكالىق قۇرىلىستار. جوبالاۋدىڭ نەگىزگى ەرەجەلەرى», قر قنجە 3.04-02-2008 «توپىراقتى ماتەريالداردان تۇراتىن بوگەتتەر», قر قنجە 3.04-03-2008 «بەتوندى جانە تەمىربەتوندى بوگەتتەر»), سونداي-اق بوگەتتەردىڭ قاۋىپسىزدىگى سالاسىندا ساراپتاما وتكىزۋدى رەگلامەنتتەيتىن باسقا دا قۇجاتتاردىڭ بولۋى.